Kafedra Fransuz tili fonetikasi va grammatikasi deb nomlanib, u fransuz va italyan tili  yo’nalishini hamda fransuz tili bo’yicha magistratura yo’nalishini ham o’z ichiga oladi. Kafedra 1994 yilda tashkil topgan bo’lib, unda prof. M.Xolbekov, H. Orziqulov, dos. T.Imomnazarov, S.Ismoilov singari  ustoz sanalgan professor-o’qituvchilar faoliyat ko’rsatgan.

Hozirgi kunda kafedra jamoasi  20 ta professor-o’qituvchini o’z ichiga oladi. Shundan 2 ta fan nomzodi, 4ta katta o’qituvchi va 14ta o’qituvchi faoliyat ko’rsatib kelmoqda. O’qituvchilar orasida 2ta Italiyadan kelgan xorijlik o’qituvchilar ham mavjud. Kafedra jamoasi asosan yoshlardan tashkil topgan. Italiyaning xorijliklar uchun Siyena va Perudja Universitetlarida bir necha bor o’z malakalarini oshirib kelgan yosh o’qituvchilar italyan tili yo’nalishi bo’yicha talabalarga saboq berib kelmoqda. Har yili   italyan tili o’qituvchilaridan bir nafari Italiyada malaka oshirish imkoniyatiga ega bo’ladi.

Kafedra 2010 yildan buyon kafedra mudiri, katta o’qituvchi, filologiya fanlari nomzodi Suvonova Nigorabonu tomonidan boshqarilmoqda. Kafedraga qarashli guruhlar mutaxassislik bo’yicha o’qitiladigan fanlarga doir zamonaviy darsliklar va o’quv qo’llanmalar bilan ta’minlangan.  2010 ylda f.f.n. Suvonova N.  tomonidan Tahliliy o’qish va Matn tahlili nomli o’quv-uslubiy qo’llanmalar chop ettirildi.

Kafedrada o’qitiladigan fanlar bo’yicha o’quv-uslubiy majmualar yaratilgan. Shuningdek, 2011 yilda kafedra o’qituvchilari Suvonova N. va Shukurova R.lar tomonidan 1-kurs fransuz guruhi talabalari uchun Asosiy chet tili, ya’ni Fransuz tili fani bo’yicha yangicha darslikni  o’quv jarayoniga  tadbiq etish joriy qilindi va Fransiyada nashr etilgan ushbu Belleville darsligi acosida  o’quv-uslubiy majmua ham  yaratildi.

Institutning kenja yo’nalishlaridan biri hisoblangan italyan tili bo’yicha esa kafedraning italyan tili o’qituvchilari tomonidan eng so’nggi zamonaviy turdagi o’quv-uslubiy majmualar asta-sekinlik bilan yaratilmoqda.

Kafedra qoshida tashkil etilgan Parlons français va Parliamo italiano to’garaklari faoliyatining samarasi  yildan-yil oshib bormoqda. Talabalarning har yili to’garak tadbirlariga bo’lgan zo’r qiziqishi fikrimiz dalilidir. Bundan tashqari, kafedraga tegishli iqtidorli talabalar faoliyati ham diqqatga sazovor.  Ular har yili olib borayotgan o’z kichik ilmiy tadqiqotlari bo’yicha turli xil nashrlarda maqola va tezislar chop ettiradilar. Bundan tashqari,  har yili institut talaba-yoshlarining ilmiy anjumanlarida, qolaversa, turli xil Respublika ilmiy anjumanlarida o’z ma’ruzalari bilan ishtirok etadilar. Shu bilan birga, kafedra professor-o’qituvchilari rahbarligida bajarilayotgan magistrlik dissertasiyalari, Bitiruv malakaviy ish va kurs ishlari  har yili muqaffaqiyatli tarzda himoya qilinmoqda.

Shuningdek, dars jarayoniga zamonaviy pedagogik texnologiyalarni joriy etish, dars jarayonida texnik vositalardan keng foydalanish orqali dars samarasini yanada yaxshilash maqsadida kafedra o’qituvchilari tomonidan har yili ochiq darslar o’tkazib turiladi.

Bundan tashqari, talabalarning kafedrada o’qitiladigan fanlar bo’yicha rejalashtirilgan mustaqil ta’lim mavzulariga doir mustaqil taqdimot marosimlari kafedra o’qituvchilari va talabalari tomonidan har yili katta tayyorgarlik va qiziqish bilan amalga oshiriladi.

Kafedrada ma’naviy-ma’rifiy ishlar to’g’ri yo’lga qo’yilgan bo’lib, doimiy tarzda talabalar bilan birgalikda turli xil madaniy va ma’naviy ishlar, xususan, bahs, munozara, sayohat singari tadbirlar amalga oshiriladi.

Batafsil ma'lumot