Oliy va o’rta maxsus ta’lim vazirligining 2010 yil 30 oktyabrda chiqarilgan 407- sonli va 2011 yil 10 martidagi 96- sonli buyrug’i bilan tasdiqlangan “Kichik biznes va xususiy tadbirkorlik yili” davlat dasturida belgilangan vazifalarni Samarqand davlat chet tillar institutida bajarilishi

Respublikamizda 2011 yil “Kichik biznes va xususiy tadbirkorlik yili” munosabati bilan talaba yoshlarda tadbirkorlik faoliyati bo’yicha bilim va ko’nikmalarni shakllantirishda, ushbu dasturni bajarishda Samarqand davlat chet tillari institutida  barcha fakultet bakalavriat va magistratura bosqichi talabalariga maxsus kurs sifatida 20 soat hajmida (8 soat ma’ruza, 8 soat amaliy mashg’ulot, 4 soat mustaqil ta’lim) dars mashg’ulotlari o’tildi.

Institutda talaba yoshlarni, shuningdek bitiruvchilarni tadbirkorlik faoliyatiga jalb qilish va ularda biznes g’oyalarini keng tushuntirish maqsadida o’zbek va rus guruxlarida mashg’ulotlar o’tkazib kelinmoqda. Ma’ruza va seminar darslari maxsus multimediali auditoriyalarda zamonaviy  pedagogik va axborot texnologiyalari  asosida tashkil etildi.

Bundan tashqari, dasturda belgilangan vazifalarni bajarish maqsadida talabalar bilan biznes reja tuzish va uni o’rganish bo’yicha mutassaddi professor -o’qituvchilar  tomonidan mashg’ulotdan tashqari davra suhbatlari, uchrashuvlar, seminar-treninglar o’tkazildi.

2011 yil 26 martda SamDChTIda dasturda  belgilangan vazifalar bo’yicha ilmiy-amaliy anjuman tashkil etildi. Anjumanda  talabalar o’zlarining tadbirkorlik faoliyatiga oid fikr-mulohaza va takliflarini bildirishdilar.

Mutaxassislar tomonidan berilgan fikr-mulohazalar “Kichik beznes va xususiy tadbirkorlik” davlat  dasturining Samarqand davlat chet tillar institutida bajarilshi bo’yicha ishlab chiqilgan chora-tadbirlar rejasida o’z aksini topgan.

Institut miqyosida mazkur Davlat dasturini amalga oshirish bo’yicha talabalar uchun tashkil etilayotgan tadbirlarda talabalar uchun imtiyozli foizsiz mikro kreditlarni olish tartibi, taklif qilinadigan loyihalar beznes-rejalarni tuzish bo’yicha tushuntirish ishlari olib borildi.

Yuqorida bajarilgan ishlar bo’yicha ma’lumotlar institut veb saytida muntazam yoritib borilmoqda.